KANA SON FAHIMTAR MATA?
~~~~~~~
Mata wasu irin halitta ne masu wuyar sha’ani, waɗanda komai iliminka da gogewarka a rayuwa kuma komai yawan iliminka na addini ko na zamani, ba za ka iya fahimtar su ba.
Related posts
To amma ga wani albishir – shin kana son fahimtar mace? To saurara ka ji, domin kuwa yanzu nesa ta zo kusa. Ya zuwa yanzu, an rubuta wani gingimemen littafi da aka sanya wa suna: “ILIMIN SANIN MATA.”
Shi wannan littafi, wasu masana halayyar ɗan Adam ne su 10 suka haɗu, suka rubuta shi. Littafin yana ƙunshe da babi-babi 90 kuma kowane babi yana ƙunshe da shafuka sama da 10.
Ga wani bayanin kuma: A shafin farko na littafin, an bayyana wasu sharuɗɗa game da yadda za ka karanta wannan littafi domin samun fa’idar fahimtar mata.
Ɗaya daga cikin sharuɗɗan shi ne: Dole ne ka karanta kowane shafi na littafin, tun daga farko har zuwa ƙarshe, kafin ka fahimci mata.
Babban ƙalubale a nan shi ne, wane tsawon lokaci zai ɗauki mutum ya kammala karanta wannan littafi, har ya kai ga fahimtar mata? Anya kuwa akwai wanda zai iya fahimtar mata?
~~~~~~~
WANNAN LABARI BARKWANCI NE,
DOMIN NISHAƊI!
~~~~~~~
