Minista Dr. Muttaqha Rabe Darma Kana Bi Na Bashi
Daga Malam Ibrahim Bature
__________
Mai girma Minista, Dr. Muttaqha Darma, a Shekarar 2010 lokacin da na fito takarar NANS President (Shugaban Ƙungiyar Ɗalibai ta Najeriya), saƙon test kawai na yi maka, amma ka ce idan ka dawo daga France, mu haɗu ofis ɗinka Abuja.
Haka ka sanya marigayi Comrade Abdullahi Ali Kano da Comrade Emma, suka yi mani jagora har ofis ɗinka, inda muka tattauna bai fi minti biyar ba amma ka ba ni gudunmuwar Dala 50,000 (a canjin yau, Naira miliyan 72 ke nan).
Wannan ita ce kyauta mafi yawa da na taɓa samu a rayuwata. A baya kafin in zo China, su ne kuɗi mafi yawa da na taɓa samu a rayuwata.
Lokacin da Comrade Bashir Gafia ya fara posting kan cewa za ka yi takarar Sanata, na je na yi tsokaci, cewa lokacin da zan mai da biki ya yi saboda har ga Allah, har cikin zuciyata, na yi niyyar kashe daga Naira miliyan 20 zuwa 50, don ba ka, a matsayin gudunmuwar kamfen na takarar ka ta Sanatan Shiyyar Katsina ta Tsakiya.
Da a ce Goodluck Jonathan ya ba ka dama ta biyu a Hukumar PTDF, to lallai da ina da tabbachin a Ƙasar Turai zan yi Masters da Ph.D saboda ka yi mani alƙawarin haka.
A iya sani na, ba don ka taimake ni ba, to ban taɓa sanin wani ɗan Katsina da ya samu muƙami Abuja, da ya taimaki matasan Katsina fiye da kai ba. Na san matasa fiye da 100, waɗanda ka taimaka. Sannan kai taimakon canza wa mutane rayuwa kake baki ɗaya, ka ɗauke mutum daga matashi mai fafutuka zuwa matashi mai nasara.
Ina taya murnar samun Ministan Gidaje da ka samu, don na san ba ƙaramin taimako za ka yi wa ma’aikatar da kuma al’ummar Katsina da Nigeria baki ɗaya ba.
