Taya Murna Ga Manaja Isma’il A. Sanda
Daga Bashir Yahuza Malumfashi
•••••••
Malam Isma’il A. Sanda, a yanzu shi ne sabon Manajan babban masaukin baki na Greenview Resort Malumfashi (Malumfashi Motel), wanda a yanzu yake ƙarƙashin kulawar Kamfanin Greenview Resort Ltd.
Babu shakka, samuwar masaukan baƙi a gari cigaba ne, domin kuwa babbar harka ce ta kasuwanci kuma wata hanya ce da ke bunƙasa kasuwanci da ci gaban gari. Don haka, samun babban kamfani kamar Greenview Resort ya tafiyar da babban masaukin baƙi irin Malumfashi Motel babban ci gaba ne, musamman ganin cewa a baya, kasancewar yana hannun gwamnati, an kasa tafiyar da shi yadda ya kamata.
Muna roƙon Allah ya sa Isma’il ya samu nasarar inganta wannan wuri, ya tafiyar da shi yadda zai bunƙasa, yadda harkokin kasuwanci da sauransu za su bunƙasa a Malumfashi da kewaye. Allah ya yi maka jagora, ya kare duk wani abin sharri. Amin-Summa-Amin!
_______________
