NASIHARMU TA YAU (43)
MU CANJA HALAYENMU
Related posts
__________
Jama’a, ya kamata fa mu yi karatun-ta-natsu, mu natsu, mu waiwayi halayenmu, mu saita ɗabi’unmu zuwa abin da yake na daidai, muddin dai muna son ganin abin da yake na daidai a rayuwarmu.
Magana ta gaskiya fa, idan muka lura, tun daga manyanmu, malamanmu da mu kanmu mabiya, mun saki hanya. Maimakon yin abin da ya dace, mun ɗauki son rai mun maida shi abin da ke yi mana linzami.
Kowannenmu ya san kansa kuma ya san iya abin da yake aikatawa a lamurransa na yau da kullum – anya kuwa mun gamsu? To, ya kamata tun daga yanzu, daga yau mu canja zuwa daidai.
Allah (swt) ya riga ya gama magana, cewa ba ya canja al’umma, hatta al’umma ta canja. Allah ka ba mu ikon canja halayenmu zuwa nagartattu. Amin-Summa-Amin!
___________
