ƊANLADI HARUNA
Assalamu alaikum gare ka.
Jarumin kirki mai nagarta.
Ɗanladi Haruna sunanka.
Marubci kai ba ka mugunta.
Wasu Zakariyya suke kiran ka.
Ka yi dace ka kare zumunta.
Kai ne akawu, ina lalitarka?
Ka ƙidanya ka yo tsumin ta.
Marubuci ka riƙe alƙalaminka.
Ka rubuta kuma ka karanta.
Injiniya yau na zo gare ka.
Kwamfuta a gare ka za ai baranta.
Ga ‘yan mining sun biɗe ka.
A harkar Kirifto ba ka a-rufta.
Sarkin barkwanci na yaba ka.
A fagen nishaɗi ba ƙazanta.
A yau ka ƙaro shekararka.
Ka gode Allah Sarkin gwaninta.
A yau ni dai na yaba ka.
Na yo maka jinjina na tsananta.
Allah daɗo lafiya gare ka.
Da ɗimbin imani mai nagarta.
Ni ne nai yo baiti gare ka.
Don jin daɗi da riƙe zumunta.
Bashir Yahuza Malumfashinka.
Mai sharhi domin ai nazarta.
___________
© Bashir Yahuza Malumfashi,
Jumu’a, 06-01-1446 (Hijriyya).
12-07-2024 (Miladiyya).
