Daga Shanshani
Wata halayya mai ban sha’awa ga tsohon Shugaban Rundunar Sojojin Najeriya kuma Jakadan Najeriya a Jamhuriyar Benin, Laftanar-Janar Tukur Yusuf Buratai (mai ritaya), CFR, ita ce soyayyarsa ga littafi. Duk inda ya ga littafi mai amfani, zai yi ƙoƙarin
mallakar shi.
A ƙoƙarinsa na bunƙasa ilimi, shi da kansa ya rubuta littattafai, yana kuma kan rubutawa. Ya tallafa wa marubuta da dama sun wallafa littatafai. Kamar kuma yadda a kullum yake tanadin littattafai.
Ko a yau, Alhamis, 06-07-2023, na hango shi a wata rumfa, a yayin Bikin Ranar Sojojin Najeriya a birnin Ibadan na Jihar Oyo, inda Cibiyar Killace Bayanai ta Hukumar Sojojin Najeriya (Nigerian Army Resources Centre) ta baje kolin muhimman littattafai. Na gano Janar Buratai yana ta zaɓen littattafai iri-iri.
Ni Shanshani Mai Ƙafar Yawo, Na Gizago Aminin Dodorido A Kan Shoridi, na gaishe da Janar Sarkin Karatu, Janar Sarkin Littafi!
