Yau Maulidin Safinah Saleeth Adam
A yau Jumu’a, 19-12-1444 (Hijriyya), daidai da 07-07-2023 (Miladiyya), tun da sanyin safiya, Malama Safinah Saleeth Adam ta sauke wani kyakkyawan saƙo a turakarta ta Facebook, domin murnar zagayowar ranar haihuwarta.
Ta buɗe da kalmomin godiya ga Allah “Alhamdu lillah!” Sannan cikin harshen Ingilishi ta ce, yau ta ƙara shekara ɗaya kuma ta ragu da shekara ɗaya.
Kamar yadda al’adar mafi yawan mata take, ba kasafai suke bayyana adadin shekarunsu na haihuwa ba. To, ita ma dai haka abin yake ga Safinah. Ta dai ci gaba da kwazarin addu’a.
“ALLAH nake roƙo Ya yafe min dukkan laifukan da na yi a shekarun da suka wuce.
“Ya ALLAH! Ka sa min albarka a shekaruna masu zuwa.
“Ya ALLAH! Ka tabbatar min da dukkan alheri.
“Ya ALLAH! Ka yi riƙo da hannayena, Ka zama gata na, Ka haɗa ni da abokin rayuwar da zai zame min alheri a duniya da lahirata.
“Ya ALLAH! Ka shiga cikin al’amurana, Ka yi min jagoranci a kan dukkanin abin da na sa a gabana alheri.”
To sai mu ce Amin summa Amin!
Na gode kwarai da gaske ALLAH ya saka da alkhairi 🙏 ya ƙara ɗaukaka wannan taska ta GiZAGO Amin.
Madalla. Muna godiya kwarai da gaske. Allah ƙara lafiya da imani.