Rundunar ”Yan Sanda a Jihar Kano sun kama wasu matasa da ake zargi da satar kayayyaki a ginin Plazar da ke Triumph a yankin Ƙaramar Hukumar Fagge.
Kakakin rundunar a jihar Kano, SP Abdullahi Haruna Kiyawa, ya bayyana cewa an samu matasan da kayayyakin gini da suka haɗa da ƙofofi, tagogi, firij-firij da sauransu.
A ranar Lahadin da ta gabata ce wasu matasa suka far wa Plazar tare da sace kayayyaki, inda tuni Gwamnatin Jihar Kano ta bai wa ‘yan sanda umarnin kamo wadannan matasa da ake zargin da wannan aiki.
