SASSANYAN AMINCI (4)
(Diwanin Bashir Yahuza Malumfashi)
__________
22
Ƙidar shi ne ya biyo sahu,
Adnan shugaba mai sulhu,
Larabawa duk sun ɗau sahu,
Goro marsa sa shi a huhu,
Banu Isma’il ba baya ba.
23
Zuri’a fa mai albarka,
Mai riƙo da babbar harka,
Islama mai takakka,
Zamani suke tsarkaka,
Kullum ba sa gajiya ba.
24
Ga Ma’ad mai karama,
Da Nizar mutum mai himma,
Mudrika Sarkin hikima,
Ilyas shi ba ya homa,
Sun ɗawainiya ba kaɗan ba.
25
Sai Mudar a jerin bayi,
Na Allah masu jin ƙan bayi,
Akwai Fihri mai yayi,
Sunansa ne Ƙuraishiyyi,
Kakan Manzo ɗan babba.
26
Mu taɓo Ghalib ɗan baiwa,
Ga Lu’ayyu suna mai ƙawa,
Sai Ka’abu baban kowa,
Ga Murrah ka wuce wawa,
Mun jinjina ba kaɗan ba.
(Za Mu Ci Gaba)
__________
Akwai bayin Allah da suke taimakawa domin ganin nasarar an wallafa wannan Diwani, saboda ƙaunarsu ga Fiyayyen Halitta. Don haka, muuna addu’a ta musamman ga ɗaya daga cikin waɗannan bayin Allah (Masoya Manzon Allah – Saw), da suke taimaka wajen wannan aiki:
1-Alhaji Jibrin Sama’ila (Jibson).
2-Injiniya Muntari Sagir
3-Injiniya Tukur Tingilin.
4-Malam Labiru Musa Ƙafur.
5-Malam Haruna Musa Rugoji.
6-Dr. Aminu Waziri.
7-Abdul’aziz Abdul’aziz
8-Zainab Ahmad Mohammed.
Allah ya saka maku da mafificin alheri, ya ƙara mana ƙaunar Manzonsa (saw), ya sa muna cikin cetonsa, Amin!
GUDUNMOWA:
Haka kuma, ƙofa a buɗe take ga dukkan al’umma masoya Manzon Allah, ga duk mai son saka jarinsa a wannan aiki, domin tarayya cikin lada, sai tuntuɓi Bashir Yahuza Malumfashi a wannan layin waya, kira ko Whattsap: 08065576011
Allah sa mu dace Amin!
_______________
