BINTA OLA: Allah Ji Ƙan Ki Da Rahama
~~~~~~~
Inna lillahi wa inna ilaihi raji’un! Allah Ya yi wa jarumar finafinan Hausa, Hajiya Binta Ola rasuwa a Katsina.
Marigayiyar, wacce ta yi fice wajen fitowa a matsayin uwa a finafinai da wasannin kwaikwayo na talabijin da rediyo, ta rasu ne a jiya Talata da dare.
Ta sha fitowa a wasannin kwaikwayon NA YALLI, a Gidan Rediyo Da Talabijin Na Jihar Katsina (KTTV) da shirin Gata-Gata-Nan-Ku na BBC Action Aid da sauransu.
Za a yi jana’izar Binta da misalin ƙarfe 10 na safe a yau Laraba (19-03-1445H = 04-10-2023M) a gidanta da ke Sabuwar Unguwa, Ƙofar Ƙaura, Katsina.
Muna roƙon Allah Ya ji ƙan ta da rahama, Ya yafe mata kurakuranta. Mu kuma da muka rage, Allah Ya sa mu cika da kyau da imani, idan namu lokacin ya zo.
~~~~~~~
