Daga Rohoton Waje
Wani ɗalibi ɗan Najeriya mai suna Ifeanyi Chukwu Osike, ɗan shekara 28 ya gamu da ajalinsa a yayin faɗa da wani da ba a tantance sunansa ba a birnin Toronto na Amurka.
Sufeton ‘yan sanda, Jeff Banglid ya shaida wa ‘yan jarida cewa al’amarin ya faru ne a ranar Lahadin da ta gabata. Ya ce faɗa ne ya ɓarke tsakanin marigayin da wani, a Unguwar Eglinton, a titin Brimley, a birnin Toronto da misalin ƙarfe 7 na marece.
‘Yan Sandan sun yi ƙoƙarin kai ɗalibin asibiti, inda ya mutu a kan hanya, a sakamakon raunin da ya samu. An yi zargin cewa makami abokin faɗan nasa ya daɓa masa.
Majiyar Taskar Gizago ta samu rahoton cewa a yanzu haka ‘yan sanda na farautar abokin faɗan ɗalibi Ifeanyi kuma za su gurfanar da shi gaban kotu domin tuhumar laifin kisan kai.
