NASIHARMU TA YAU (33)
ADDU’AR INJINIYA MUNTARI SAGIR
__________
Related posts
A ranar Juma’a da ta gabata, attajirin matashi mai yi wa al’umma hidima, Injiniya Muntari Sagir Malumfashi ya rubuta cewa:
Ya Allah! Yayin da muke maraba da wannan rana mai albarka ta Juma’a, muna roƙonka da ka cika zukatanmu da imani, rayukanmu da natsuwa, sannan ka lulluɓe rayuwarmu da rahamarka marar iyaka.
Ya Allah, ka gafarta mana zunubanmu, ka karɓi addu’o’inmu, ka sauƙaƙa mana dukkan nauyin da ke kanmu, sannan ka buɗe mana ƙofofin alheri waɗanda babu wanda zai iya rufewa.
Ya Allah, Ka sanya mu cikin bayinka waɗanda suke yawan ambatonka, suke dogara gare ka da cikakken tawakkali kuma suke barin wannan duniya cikin yardarka.
Amin ya Rabbal Alamin!”
___________
