NASIHARMU TA YAU (36)
MU TASHI MU NEMI ILIMI KUMA…
Related posts
__________
Tabbas, a rayuwar duniya, babu abin da ya kai ilimi – shi ne jagoran dukkan lamurra. Dalili ke nan Manzon Allah (saw) ya umurce mu da cewa lallai ne mu neme shi komai nisan wuri.
A wannan zamani, ko a ɓangaren addini, yadda wasu malamai suke wujijjiga mabiyansu, suna doka su kamar ƙwallo, tabbas akwai buƙatar a zage a nemi sahihin ilimi, domin kauce wa ɓata.
Haka kuma, lamarin bai tsaya ga neman ilimi kaɗai ba. Ya zama wajibi a riƙa aiki da shi. Amfanin ilimi, aiki da shi. Duk ilimin da aka tara kuma aka ƙi aiki da shi yadda ya dace, to ya zama aikin baban giwa (marar amfani).
Ya Allah ka sahale mana samun ilimi mai yawa, mai amfani kuma mai albarka. Amin-Summa-Amin!
___________
