ABBANY RARA YA AMSA ƘALUBALEN NAZIRU SARKIN WAƘA
Daga Bashir Yahuza Malumfashi
__________
A kwanakin baya ne Naziru Sarkin Waƙa ya saka ƙalubale, cewa babu wanda zai iya kwaikwayon baitin da ya ɗora a waƙar “Moree.”
Ya zuwa yanzu dai yaran Adamu Dauda Kahutu Rarara, Abbany Rarara ya amsa wannan ƙalubale kuma ya samu nasara. Ya haɗa baitin cikin ƙasa da minti 30 kuma ya sake ta a TikTok, inda cikin awa 19 ya samu “Likes” miliyan biyu da dubu ɗari bakwai (2.7 million).
Daga ƙarshe dai shi ma Abbany ya ƙalubalanci Naziru, inda ya ba shi kwana uku, cewa idan ya isa, ya kwaikwayi baitin waƙar “Omologo” da kiɗanta da komai.
Abin tambaya a nan shi ne, shin ko Naziru zai amsa wannan ƙalubale, kamar yadda aka amsa masa nasa?
Jama’ar Allah, me za ku ce game da wannan ƙalubale tsakanin mawaƙan biyu? Mu haɗu a Comment Section:
_________
