GASAR RUBUTUN HAUSA TA GIDAUNIYAR ZANNA/WALI (2025)
•••••••
√ GABATARWA:
Gidauniyar Zanna/Wali, tana farin cikin gabatar da Gasar Rubutun Gajerun Ƙagaggun Labaru na Hausa 2025.
√ ƊAUKAR NAUYi:
Wannan gasa, gudunmowa ce ta musamman daga Zannan Galadiman Katsina, Walin Ƙafur, Cigarin Danejin Katsina, Injiniya/Dokta Tukur Hassan Tingilin.
√ MANUFAR GASA:
• Domin bunƙasa Adabin Hausa.
• Domin ilimantarwa, faɗakarwa da nishaɗantarwa.
• Domin tallafa wa marubuta da ƙarfafa masu gwiwa.
√ TSARI DA ƘA’IDOJIN GASA:
• Tsarin gasa ita ce, za a rubuta ƙirƙirarren labari da ingantattar Hausa, kada ya gaza kalmomi 1,000 amma kada ya haura kalmomi 1,500.
• Maudu’in Gasa: Matsalar Tsaro A Arewacin Najeriya – Jigon zai kasance ƙalubale, shawarwari, hikimomi da hanyoyin da za a magance matsalolin tsaro a Arewacin Najeriya, domin samar da dawwamammen zaman lafiya.
• Wannan gasa ta kowa da kowa ce, marubuta maza da mata, tsofaffi da matasa kuma daga ko’ina a faɗin duniya.
• Babu haɗin gwiwa, mutum ɗaya ake so ya ko ta rubuta labarinta kuma kowane mai shiga gasa labari ɗaya kaɗai za a aiko.
• Gasar ta fara daga yau Talata, 26-08-2025 (Ranar Hausa Ta Duniya) zuwa 26-10-2025. Za a sanar da zakarun da suka yi nasara a ranar 26-12-2025 (In Sha Allah).
• Akwai kyaututtuka masu girma ga waɗanda suka zo na 1 zuwa na 3. Akwai ƙananan kyaututtuka ga na 4 zuwa na 10. Daga na 11 zuwa na 20, akwai tukwicin Kwalin Shaidar Shiga Gasa. Kuma za a wallafa labaru 20 da suka yi fice, a littafi ɗaya, wanda za a gabatar a ranar bikin ba da kyaututtukan (In Sha Allah).
• Masu shiga gasar, za su aiko da labaransu ta tsarin Microsoft Doc. ta E-mail na ƙashin kansu.
• Kowane mai shiga gasa, zai ko za ta aiko da hoto, a rubuto cikakken suna, adireshin gari da wurin zama da kuma lambar waya.
• Adireshin E-mail da za a aiko da labari shi ne:
gasarzannawali2025@gmail.com
• Akwai Whatsapp Group, inda za a rika tattaunawa tare da bayyana al’amuran da suka shafi gasar. Sai a shiga ta hanyar wannan liƙau ɗin:
https://chat.whatsapp.com/BtoI83G8j4cCg9GDQgtE6e
• Domin ƙarin bayani game da gasar, a tuntuɓi Bashir Yahuza Malumfashi, GSM/WHATSAPP: +2348065576011
ALLAH BA DA SA’A – AMIN!
__________
