RABON MUƘAMAN SHUGABA TINUBU: Kuskure Kan Kuskure
Daga Yusuf Dingyaɗi
Kuskure, kuskure ne ga duk wanda yake aikata shi. Nuna son rai da fiffita wata ƙabila a cikin ƙasa fiye da wata a kan rabon muƙamai bai dace ba.
Wannan tsarin na naɗe-naɗe na ƙabilanci da Shugaban Ƙasa Bola Tinubu ya ɗauko a yanzu, bai dace ba; ya saɓa wa hankali da zamantakewa na ƙasa ɗaya al’umma ɗaya.
Duk lokacin da aka yi magana, wasu sakarkaru don sun samu nasu kaso; sai su kawo maka zancen cewa “Gwamnatin Buhari ta yi irin haka, lokaci ne na ƙabilar Yarbawa su yi abin da suke so.”
Amma sun manta Tinubu ya ce, ya zo ne don gyaran kurakuran da Gwamnatin Buhari ta aikata a baya?
~~~~~~~
Yusuf Dingyaɗi, ɗan jarida, ɗan siyasa kuma mai sharhi kan al’amuran yau da kullum, ya rubuto daga Sakkwato.
~~~~~~~
