Daga Maryam Ayagi
Jan Hankali Ga Matasan Soshalmidiya
Related posts
Ya ku matasa! Shin me ya sa ba sa faɗa muku sirrinkan nasararsu, sai ci dai su kawo muku Maudu’in Jayayya?
Ya ku Matasa! Shin me ya sa ba sa ware awa ɗaya ko a sati ne, su koya muku wani abu da zai kawo muku sauƙin rayuwar da mu ke ciki?
Ko kasuwanci kake ko dako, Ustaz ne kai ko Comrade, ɗalibin ilimi ne kai ko ɗan siyasa, ka ware lokacin nazari, bincike, karatu, da koyon sabon ilimi mai amfani na zamani da zai dace da ci gaban rayuwarka.
Ka daina yadda wasu suna kawo maka maudu’in da zai saka ku cikin gardaddami, alhali suna can suna gina rayuwarsu. Kullum su turo maku rubutu ɗaya, su haɗa ku musu, su kuwa su aje wayarsu, su dauki littafi ko su shiga ofis suna nazarin abin da zai bunƙasa rayuwarsu, su bar ku ku yi ta cece-kucen da zai haifar muku da saɓani, gobe kuma su sako maku bayanin ci gaba ko nasarar da suka samu. Ku kuma ku yi ta yabawa, kuma tsokaci, har ma kuna taya su yaɗawa.
Lallai ne matashi ka buɗe idonka, ka nema wa kanka mafita mai amfani.
Allah sa mu dace.
