Daga Kamal Iyantama
Kwana Goma Ke Nan: Rabuwa Da Jarumi Auwalu G. Danbarno.
Haƙiƙa wannan babban rashi ne, ba wai ga iyalai, abokai, ‘yan uwa, Ba Wai Ga Iyalai, Hukumar ‘ Yan Sanda Ko Najeriya Kaɗai ba, a’a, wannan duniya baki ɗayanta ma ta yi gingimemen rashin da ba ni iya hasashen lokacin da za a manta.
KATSINA 2018. A wannan shekarar ce a Taron Ranar Marubutan Hausa Ta Duniya, da aka yi, a ranar ce na fara yin ido da ido da marigayi Auwal. Ina ganin kamar ma na riga shi zuwa Birnin Katsinar, kodayake in dai ya kwana a Katsina ɗin, to ba shakka ya riga ni zuwa. Kuma muka yi zumunci cikin girmama juna, duk da tarayyar mu ta jima sosan gaske.
Gaskiya kuma iya tarayyar mu, wallahi saɓani bai taɓa shiga tsakaninmu ba, ko da kuwa a ra’ayi mukan sha babban.
Yau ga shi wanda Ya fi mu son sa Ya amshi abinSa, kwanaki goma ke nan da suka wuce, wanda har yanzu muna tsundum, cikin alhini tare da juyayin rashin sa.
Ya Allah Ka karɓi uzurinsa, Ka dube shi da kyawawan halayensa, Ka yafe masa kurakuransa, Ka raya zuri’arsa, su dawwama suna nema masa gafararKa, Amin.
~~~~~~~
Kamal Y. Artist
(Sarkin Yaƙin Iyantama)
zanedawaka@gmail.com
0706 548 4046
5 ga Yuli, 2023.
~~~~~~~
