Tattaunawar Ɗan Jarida Da Bazawara ‘Yar Tuwo-Tuwo
__________
Wannan wata tattaunawa ce tsakanin wata bazawara, wacce ta ƙi zaman aure kuma ta gudu daga ƙauyensu. Ta je ta buɗe shago a birni, tana sana’ar tuwo-tuwo. Kullum aikinta ta zuga matan aure, domin su kangare wa mazajensu na aure. Ga yadda tattaunawar ta kasance:
_____
ƊAN JARIDA:
Na ji ana ta hayya-hayya a Soshalmidiya, dangane da wani tsokaci da kika yi game da matan aure. Shin wai me kika ce?
_____
BAZAWARA:
Cewa na yi maza su daina uzura wa matan aure game da girkin abinci ko kuma wanke masu sutura. Wannan aikin ba dole ba ne a sha’anin aure.
_____
ƊAN JARIDA:
Yanzu ke ba za ki iya yi wa mijinki girkin abinci ba?
_____
BAZAWARA:
Na ce maka ba dole ba ne. Idan na ga dama, zan iya girkawa. Idan ban ga dama ba, ba dole ba ne.
_____
ƊAN JARIDA:
Ba dole ne ki yi wa mijinki girki ba, to amma me ya sa kuma kika kashe aurenki, kika buɗe shagon tuwo-tuwo, kina girka wa ƙattin bariki tuwo?
_____
BAZAWARA:
(Ta harzuƙa). Ban son wulaƙanci….kana son tozarta ni ne?
_____
ƊAN JARIDA:
Babu batun wulaƙanci. Tambaya ce nake yi maki. Shin da ki zauna gidan aure, kina girka wa mijinki abinci, kina samun ladar sunnar aure, da ki kashe aure, ki fito titi, kina girka wa ƙattin banza tuwo-tuwo, wanne ya fi mutunci da albarka?
_____
Jama’a, ku yi alƙalanci: Shin ɗan jarida ya faɗi gaskiya ko kuwa? Ku bayyana ra’ayinku a Comment Section.
__________
