AFCON 2024:
ADADIN KUƊIN DA NAJERIYA ZA TA SAMU IDAN TA CI KOFI A YAU
~~~~~~~
A yau da misalin ƙarfe 9 na dare, ƙungiyar ƙwallon ƙafa ta Najeriya, Super Eagles za ta fafata a wasan ƙarshe da ƙungiyar ƙwallon ƙafa ta Ivory Coast, The Elephant, wato masu masaukin baƙi.
Idan Allah Ya sa Eagles ta samu nasara, za ta ɗauki babban kofi mai tarihi, sannan kuma za ta amshi kyautar zunzurutun kuɗi har Dala miliyan 7, kimanin Naira biliyan 10 da ɗoriya.
Ita kuma The Elephant ta Ivory Coast, idan ta zo ta biyu, za ta amshi Dala miliyan 4, kimanin Naira biliyan 5 da ɗoriya ke nan.
Ƙungiyoyin ƙwallon ƙafa na Afirka ta Kudu da DR Congo da suka samu zuwa zagayen kusa da na ƙarshe, za su samu kyautar Dala miliyan biyu da rabi, kimanin Naira biliyan 3 da ɗoriya, kowanensu.
~~~~~~~
Jama’a, wace fata za ku yi wa Super Eagles na ƙasarmu Najeriya, a wasansu na yau?
~~~~~~~
