MALAMA UWA
__________
Wannan Ƙasida, sadaukarwa ce da jinjina ga Hajiya Uwa A’isha Idris, bisa ga jajircewarta da ƙoƙarinta wajen faɗakar da al’umma.
__________
Uwa,
Ke ce uwa
Uwa abar girmamawa.
Uwa,
Ke ce uwa,
Uwa, abar darajawa.
Uwa,
Ba mai raina ki,
Sai ɗan wulaƙantarwa.
Uwa,
Ba mai kushe ki,
Sai ballagazan wawa.
Uwa,
Ba mai zagin ki,
Sai ɗa abin jefarwa.
Uwa,
Ba mai kyarar ki
Sai mai bakin uwa.
Uwa,
Ba mai ƙaunar ki,
Sai mai natsuwa.
Uwa,
Ba mai goyon ki,
Sai ɗan moruwa.
Uwa,
Ki ɗau haƙuri,
Da ‘ya’yan kukawa.
Uwa,
Allah tama ki,
Ki zamto hutawa.
Uwa,
Ni na gaishe ki,
Bashir Malumfasawa.
__________
© Bashir Yahuza Malumfashi,
Litinin 14-08-1447 (Hijiriyya)
02-02-2026 (Miladiyya)
__________
