BATUN ƘAUYAWA DAY:
ZUWA GA ABBA ALMUSTAPHA
Daga Sadiya Garba
Malam Abba, har yau ka kasa hana matan fim yawo ba mayafi, tun da al’ada suke koyarwa; to ai ba al’adar Bahaushe ce yawo ba mayafi ba, ko su daban suke?
“Ba ƙauyawa ya kamata ka hana ba, gyara za ka ce a yi amma akwai masu yin shiga ta mutunci a kauyawan, har su ba ka sha’awa. Kuma al’ada ce ta Bahaushe. Na ga a gida suke yi, asalin ƙauyawan kuma ba cakuɗe da maza ba.
Ya za ka yi gyaran finafinan da ake yin abubuwan da ba su dace ba, ake aron wasu yaruka ake liƙa wa Hausawa, waɗanda ba na su ba?
Ba na goyon bayan hana Ƙauyawa Day. Ina goyon bayan a tsaftace harkar, ba a hana ba. Gaskiya hukuncin ya yi tsauri. Ga iya shege nan kalakala ana yi a TikTok, ba ka hana ba sai Ƙauyawa Day Gwara dai a ce a gyara, ba a hana ba.
Ra’ayina ne. Ka fara gyara gida kafin ka gyara dawa.
_______________
Sadiya Garba Yakasai, marubuciyar Hausa ce a Kano
