TUNAWA DA JARUMI:
Laftanar-Kanar Abu Ali
~~~~~~~
Yau shekara 7 ke nan da rasuwar Laftanar-Kanar Abu Ali, wanda ya rasu a fagen dagar yaƙi da ‘yan Boko Haram. Allah Ya ji ƙan shi da rahama!
~~~~~~~
Ba kuka za mu
Nace yi maka ba.
Ba yagalgala riguna
Za mu ɗora yi ba.
Ba ihun kwarmato
Muke yi maka ba.
Ba jerangiyar magana
Ta kasance abin ba.
Ba lokacin yaɗa
Kurari ne a nan ba.
Ba za mu ɓige
Da ƙidaya tushe ba.
Ba za mu bari
Ayyukanka su mace ba.
Ba za mu bari gafalallu
Su yi nasara ba.
Ba za mu nisa da
Biɗar maka sauƙi ba.
Ba za mu gajiya
Da roƙon Allah ba.
Ba za mu bar kiran
Ar-Rahman jigo ba.
~~~~~~~
© Bashir Yahuza Malumfashi.
Na rubuta waƙen nan
tun ranar 7-11-2016.
~~~~~~~
