ALMAJIRCI: An Yaba Da Halayyar Farfesa Pantami
~~~~~~~
Dokta Abdullahi Garba Nayaya ya bayyana Farfesa, Sheikh Isa Ali Pantami a matsayin malami mai mutunci da girmama almajirci da almajirai masu neman ilimi.
Da yake yaba masa kan ziyarar da yake kai wa ga malaman tsangaya, Malam Nayaya ya ce:
“Gwani Farfesa Isa Ali Pantami Allah Ya ƙara yi wa rayuwa albarka.
“Daga cikin baiwar da Allah Ya yi wa Malam, gwani ne a duk fannin da ya shiga. Idan ya shiga Ƙur’ani, kai ka ce shi kaɗai ya sani, domin duk ayar da ya ambata sai ya faɗi lambar ayar.
“Haka yake a ɓangaren hadisi. Ba nan kaɗai ba, kai ko fatawar wani Malami ya ambata to sai ya faɗi littafi da shafi da lambar fatawar. Wannan kuwa ba ƙaramar baiwa ba ce ga Farfesa Isa Ali Pantami, CON.
“Allah Ya kawo babban rabo mai albarka.”
~~~~~~~
