ALLAH YA JI ƘAN DSP ABBA ƊANMALAM
Inna lillahi wa inna ilaihi raji’un!
A madadin ni kaina, Fasihin Galadiman Katsina-I, Bashir Yahuza Malumfashi da iyalina, ‘yan uwa da abokan arziƙi, ina miƙa saƙon ta’aziyya ga iyalai da ‘yan uwa da Zuri’ar Galaduncin Katsina da al’ummar Malumfashi da al’ummar Jihar Katsina da Nigeria baki ɗaya; bisa rasuwar DSP ABBA ƊANMALAM.
Marigayi Abba, ya rasu ne a yau Asabar, 19-06-1446 (Hijriyya) – 21-12-2024, a sakamakon haɗarin mota.
Muna roƙon Allah (swt) Ya ji ƙan shi da rahama. Muna roƙon Ya sanyaya makwancinsa, Ya sanya kyawawan halayensa su bi shi. Allah Ya ba iyalansa da dukkan ‘yan uwa haƙurin rashin sa!
AMIN-SUMMA-AMIN
