TSOKACINMU NA YAU (09)
Yau Lahadi, 09-Ramadan-1446, Hijirar Manzon Allah (saw), wacce ta yi daidai da 09-Maris-2025, Miladiyya.
Ga tsokacinmu na yau:
“Ya ku ‘yan uwa, yau za mu yi wa juna nasiha ne dangane da wani babban laifi da mafi yawancinmu a yau muke aikatawa. Laifi mai tsananin muni amma a yau mun mayar da shi kamar iskar da muke shaka.
Wane laifi ne wannan? Shi ne laifin gulma/giba, wanda kuma ake kira da cin naman ɗan uwa. Munin laifin nan ya girma, domin Manzon Allah (saw), an ruwaito cewa, ya ce laifin giba ya fi muni fiye da na zina.
Babu shakka mu kiyayi kanmu, mu barranta da gulma, musamman ma ga shi soshalmidiya tana ƙarfafa mana aikata wannan saɓo. Lallai mu kiyaye.”
Allah sa mu dace, Amin.
Mu wuni lafiya.
Naku,
Bashir Yahuza Malumfashi,
Editan Mujallar Taskar Gizago.
