TSOKACINMU NA YAU (05)
Yau Laraba, 05-Ramadan-1446, Hijirar Manzon Allah (saw), wacce ta yi daidai da 05-Maris-2025, Miladiyya.
Ga tsokacinmu na yau:
“Ya ku ‘yan uwa, ku zo mu fahimci illar da take tattare da ‘FUHI.’ Fushi wani ƙasurgumin dafi ne mai matuƙar haɗari a rayuwar mutum. Babu wani alheri da ke tattare da fushi.
Don haka, a duk lokacin da fushi ya taso mana, mu daure mu yaƙe shi da dukkan ƙarfinmu. Kamar yadda Manzon Allah (saw) ya koyar da mu, a lokacin fushi, idan a tsaye muke, mu zauna kuma mu yi shiru. Mu ɗebi ruwa mu yi alwala.
A lokacin fushi, kada mu sake mu zartar da wani al’amari, mu bari sai mun huce, mun natsu; domin kuwa shi fushi, linzami ne na Shaiɗan. Mu koyi rike shi, domin kar ya kai mu zuwa fagen halaka.
Ɗan uwa, ‘yar uwa – kada mu yi fushi!”
Allah sa mu dace, Amin.
Mu wuni lafiya.
Naku,
Bashir Yahuza Malumfashi,
Editan Mujallar Taskar Gizago.
