Abba Kyari: Ya Kamata A Duba Lamarinsa Da Adalci
Daga Abdulhadi Ahmad Bawa
Da fatar mun gama aiyukan ibadah da kuma shagulgulan Babbar Sallah lafiya. Alhamdu lillah.
Duk da dai ban san irin nauyin (a hukumance) tuhumar da ake masa ba da kuma irin hujjojin da aka dogara da su ba, ni dai har yanzu idan na tuno jarumin ɗan sanda Abba Kyari, sai a raina in ji ba a yi masa adalci ba. Musamman idan na tuna yadda ya yi ta jefa rayuwarsa da ta abokan aikinsa cikin haɗari, domin ya ceci rayuwar al’umma.
Kuma har a yau a cikin tuhumar, ban ji an ce yana da alaƙa da ‘yan ta’adda ko ɓarayi ba. Ga shi kuma har yanzu sai jele ake a kotunan da muka san ana iya ƙara shekara goma nan gaba, lauyoyi suna cin abinci.
Ya Allah Ka shiga tsakanin nagari da mugu, Ka ƙara mana kariya da tsari Ya Hayyu Ya Ƙayyum.
~~~~~~~
Abdulhadi, shi ne tsohon Mataimaki Na Musamman Ga tsohon Gwamnan Jihar Katsina Ta Fuskar Kafafen Sadarwa Na Zamani.
~~~~~~~
