Mutane Sun Koma Tafiya Ƙasa A Abuja
Ma’aikata da ‘yan kasuwa da ma sauran mutane masu harkoki daban-daban a cikin Babban Birnin Tarayya Abuja sun koka da ɗan karen tsadar motocin sufuri, wanda haka ya tilasta suke tafiya a ƙasa zuwa harkokinsu na yau da kullum.
Wakilinmu ya ga yadda mutane gungu-gungu suna tafiya a ƙasa, ya zuwa wuraren harkokinsu, inda suka alaƙanta hakan da rashin kuɗi, a sakamakon ƙarin farashin fetur da aka yi.
